COVID-19 касаллиги оғирлик даражаси ва кечишини баҳолашда прогностик дастурларнинг аҳамияти ва ўрни

Аннотация

Мақсад. COVID-19 билан касалланган беморларда ҳолат оғирлигини ва касалликнинг
ривожланишини прогноз қилиш ҳамда хавф омилларини аниқлаш.
Материал ва усуллар. Тадқиқотга Республика шошилинч тиббий ёрдам илмий маркази
да COVID-19 ташхиси билан даволанган 1145 нафар бемор киритилди ва 2 гуруҳга бўлиб
ўрганилди. 1-гуруҳ (назорат гуруҳи) – 177 нафар бемор – уларда касалликнинг оғирлик
даражаси госпитализация босқичида қабул бўлими шифокори томонидан беморнинг
клиник симптоматикаси ва «COVID-19 билан касалланган беморларни даволаш бўйича
клиник тавсиялар» (олтинчи нашр, 2020 й.)да келтирилган оғирлик мезонлари асосида
баҳоланган. 2-гуруҳ (асосий гуруҳ) – 968 нафар бемор. Бу гуруҳда касаллик оғирлик да
ражаси РШТЁИМда ишлаб чиқилган «COVID-19 билан касалланган беморларда касаллик
нинг оғир кечиш хавфини баҳолаш» номли сунъий интеллектга асосланган компьютер
дастури асосида баҳоланган.
Натижалар. Эркак жинси, 56 ёшдан катта, касаллик бошланишидан 6 кундан ортиқ
вақт ўтиши, тана ҳароратининг 38 °С дан юқори бўлиши ва 5 кундан ортиқ давом эти
ши, тинч вақтда ҳансираш, 5 кундан зиёд давом этувчи йўтал ҳамда ҳуш даражасининг
Глазго кома шкаласи бўйича 9–11 баллгача пасайиши COVID-19 касаллигининг кечиши
ни оғирлаштирувчи мезонлар эканлиги аниқланди. Бу клиник белгилардан ташқари
гипертония касаллиги, қандли диабет, сурункали юрак етишмовчилиги, юрак ишемик
касаллиги ва унинг асоратлари, шунингдек, анамнезда бош мияда қон айланишининг
бузилиши (БМҚАЎБ) ўтказганлиги – COVID-19 касаллигининг кечишини оғирлаштирувчи
патогенетик аҳамиятга эга омиллар сифатида белгиланди.
Хулоса. Ишлаб чиқилган сунъий интеллектга асосланган компьютер дастури касаллик
нинг оғирлик даражасини башорат қилиш имконини бериб, бемор ҳолатини баҳолашдаги
субъектив хатоларни камайтирди ва касалликнинг кейинги прогнозини аниқроқ белги
лашга ёрдам берди.